СЕ СТЕГА ОБРАЧОТ ОКОЛУ КАТАР: Египетските банки не сакаат да соработуваат
Објавено во: Свет 07 Јуни, 2017
Дел од египетските банки деновиве ја прекинаа соработката со Катар, откако Каиро ги прекина дипломатските односи со Доха.
Да потсетиме, односите со Катар ги прекинаа и Саудиска Арабија, Бахреин, Обединети Арапски Емирати, Малдиви, Јемен и источните либиски делови.
Не се знае дали Египет целосно ќе ги суспендира трговските односи со Катар. Египетското министерство не беше достапно за коментар.
Познато е дека дел од банките во Египет престанаа да ја примаат катарската валута.
Нагиб Савирис, познат египетски бизнисмен ги повика своите колеги да ги повлечат инвестициите од Катар и да ги прекинат деловните односи со оваа заливска земја.
Катар, но и нивните довчерашни сојузници можат да изгубат милијарди од оваа криза.
Се проценува дека Катар има 335 милијарди долари во државната каса, пари кои ќе им помогнат да се извлечат од кризата, но не и долгорочно.
Последните информации говорат дека Египет ги прекинал летовите кон Катар, откако тоа го стори Саудиска Арабија.
Се забранува и бродови да пловат во катарскиот залив.