СЕ ТЕСТИРАЛЕ НАД 11 ИЛЈАДИ ЛУЃЕ: Позитивни се 1.396, дури 790 од Скопје

Добивај вести на Viber

Денес се регистрирани 1.396 нови лабораториски позитивни случаи на SARSCoV-2, од направени 11.479 тестови со што вкупната бројка на дијагностицирани лица со КОВИД-19 изнесува 233.464, соопштија од Институтот за јавно здравје.

Во последното деноноќие оздравени се 348 пациенти, а пријавени се 9 починати лица.

Од новозаболените од Скопје се дури 790 лица, Битола – 164,Прилеп – 80, Кавадарци – 41, Куманово – 31, Охрид и Гевгелија – 26, Гостивар – 24, Кичево – 22, Велес – 21, Ресен – 19, Тетово – 18, Неготино – 17, Штип и Кочани – по 16, Струга – 12, Крушево – 9, Пробиштип – 8, Свети Николе, Крива Паланка и Радовиш – по 7, Валандово и Македонски Брод – по 6, Струмица – 5, Делчево – 4, Богданци и Пехчево – по 3, Виница и Кратово – по 2, Берово, Демир Хисар, Македонска Каменица и Дојран – по 1. 

Во текот на изминатите 24 часа регистрирани се 6 починати лица - по едно починато лице од Демир Хисар (78г), Битола (79г), Ресен (73г), Прилеп (76г) Штип (63г) и Македонска Каменица (73г). Пријавените лицасе починати во болнички услови.

Согласно Регистарот на умрени лица со дијагноза КОВИД-19 од Мој Термин, пријавени се 3 лица, по едно лице од Тетово, Струмица и Кичево, починати во период од 17 - 18.12.2021 година. Починатите се на возраст од 68 години до 87 години. Од пријавените едно лице е починато во болнички услови и 2 во домашни услови.