Се урна хрватски воен хеликоптер дониран од САД

Добивај вести на Viber

Хрватски воен хеликоптер се урна в море кај островот Зларина а на местото на настанот беа испратени два бродови на поморската полициска станица заедно со полицајците од другите полициски станици, а за инцидентот беа известени сите други служби. Хрватските медиуми известуваат дека засега е извлечено едно безживотно тело, за кое се претпоставува дека е на пилотот. За другите членови на посадата се уште се трага.

Хеликоптерот од типот Kiowa Warrior се урнал во 10.30 часот.додека изведувал рутински тренинзи. Станува збор за модел на летало кое хрватската армија ги прими како подарок од САД. Вкупно такви се 16 хеликоптери што беа донирани во 2015 година затоа што беа прогласени за вишок во САД. Медиумите тврдат дека обуката на хрватските пилоти на овие хеликоптери траела една година.

Сите 16 одбрани хеликоптери беа произведени меѓу 2010 и 2012 година и имаат од 100 до 600 часа време на летање. Хеликоптерите ја имаат целата стандардна опрема и оружје  во согласност со копнените правила и стандарди на американската армија. Од избраните хеликоптери, 14 се уште се наоѓаат во активната единица на американската армија, што е гаранција дека тие ќе бидат во активна употреба до средината на следната година и ќе се одржуваат според пропишаните стандарди, или нема да бидат зачувани во трајно складирање, со што значително се намалуваат трошоци за Република Хрватска (деконзервација, инспекција, тест летови, лиценцирање и пловидбеност и сл.), напиша хрватското министерство за одбрана на својата веб-страница во 2015 година, откако хрватските стручњаци направија избор и увид на хеликоптерите.