16 Октомври, 2018
0.2447

Се зголемува користењето на Европскиот извештај во сообраќајките во Македонија

Објавено во: Финансии 12 Мај, 2018

Бројот на помали сообраќајни инциденти решени по пат на Европски извештај од година во година се зголемува, покажува статистиката на Националното биро за осигурување. Според нивните податоци, во 2012 година со примена на Европски извештај се решени 10.908 сообраќајни несреќи, во 2013 – 12.571, во 2014 – 13.148, во 2015 година 13.541, во 2016 – 13.044 и во 2017 година таа бројка изнесува 16.614.

Европскиот извештај се пополнува  во случај на сообраќајна незгода со мала материјална штета и го пополнуваат учесниците во сообраќајната незгода. Европскиот извештај не се пополнува и не се потпишува во случај на сообраќајна незгода во која има повредени, загинати и во сообраќајна незгода во која настанала голема материјална штета.

Возачите кои учествуваат во сообраќајната незгода во која е предизвикана мала материјална штета, кои пополниле и потпишале Европски извештај за сообраќајна незгода, не се должни за истата да го известат Министерството за внатрешни работи.

Како што објаснуваат од Бирото, меѓу придобивките од користењето на Европскиот извештај се намалување на  сообраќајниот метеж после случена сообраќајна незгода со мала материјална штета, побезбедно одвивање на сообраќајот, брзо и ефикасно обесштетување на оштетените странки, помалку административни процедури и заштеда на време и пари и намалување на можноста за дополнителни санкции.

Европскиот извештај не може да се примени во ситуација на сообраќајна несреќа со мала материјална штета доколку едно од возилата нема регистарски таблици или не е осигурано, едно од возилата има странска регистарска таблица, ако еден од возачите е под дејство на алкохол, дрога или други прихотропни супстанции, еден од возачите не поседува дозвола, на еден од возачите му е запишана прекршочна санкција во возачката дозвола – забрана за управување со моторно возило, еден од возачите одбива да даде свои лични податоци, односно податоци за возилото, еден од  возачите го напуштил местото на сообраќајната незгода и ако возачот сам учествува во сообраќајна незгода.

Европскиот извештај е воведен во 2005 година, но почнува повеќе да се применува од 2010 година.


Можеби ќе ве интересира

Село направило добар бизнис план и денес живее одлично

Село направило добар бизнис план и денес живее одлично

ШТО СЕ СЛУЧИ: Надминат годишниот рекорд на берзата на цел квартал до крајот

ШТО СЕ СЛУЧИ: Надминат годишниот рекорд на берзата на цел квартал до крајот

Словенија ем со дивиденда, ем пари од продажба на НЛБ

Словенија ем со дивиденда, ем пари од продажба на НЛБ

НЛБ банка понудена на продажба до крајот на годината

НЛБ банка понудена на продажба до крајот на годината

КОЈ ПРЕПОРАЧА ДОБАР РАБОТНИК ДОБИВА 1300 ЕВРА ВО КЕШ: Хрватска фирма во потрага по работници

КОЈ ПРЕПОРАЧА ДОБАР РАБОТНИК ДОБИВА 1300 ЕВРА ВО КЕШ: Хрватска фирма во потрага по работници

РЕБАЛАНС: Повеќе пари за општините, капиталните трошоци одат надолу

РЕБАЛАНС: Повеќе пари за општините, капиталните трошоци одат надолу

Нема да има гонење за Груевски, Георгиевски и Ѓорчев за „Македонски пошти“.

Нема да има гонење за Груевски, Георгиевски и Ѓорчев за „Македонски пошти“.

НОВ СЛУЧАЈ НА СЈО: Три лица приведени за „Поштенска банка“

НОВ СЛУЧАЈ НА СЈО: Три лица приведени за „Поштенска банка“

Македонија влезе во Топ-1о земји со најмал ризик за перење пари

Македонија влезе во Топ-1о земји со најмал ризик за перење пари