Седницата за законот за попис се откажа откако ВМРО-ДПМНЕ се закани со можен бојкот
Објавено во: Македонија 10 Јуни, 2019
Предлог законот за попис на населението е тргнато од дневен ред од собраниската комисија за евроипски прашања откако вчера ВМРО-ДПМНЕ предупреди дека е можно да ја бојкотира оваа статистичка операција доколку биде донесен набрзина без исцрпна расправа. Законот за попис, кој треба да биде спорведен во 2020-та, влезе во Собранието откако го мина владиниот филтер на последната седница.
Не е официјално соопштена причината зошто е откажана оваа комисија и изутрината е тргната од дневните активности во законодавниот дом. Може само да се претпоставува дека причините се политички затоа што вчера опозицијата ја обвини власта власта дека по брза постапка под европско знаменце се обидува да протне законски текст без јавна дебата.
Македонија нема спроведено попис 18 години. Во 2011 година започнатата евиденција беше прекината со одлука на Владата. Во изминатиот период државава има спроведено осум пописи на населението: во 1948, 1953, 1961, 1971, 1981, 1991, 1994 и 2002 година.