Секаде на Балканот политичарите се три пати побогати од граѓаните, кај нив се осум пати
Објавено во: Економија 21 Март, 2019
Додека платите на парламентарците во земјите на ЕУ изнесуваат најмногу три просечни лични примања, БИХ е сосема поинаква. Никаде во Европа политичарите не заработуваат осум пати повеќе од своите граѓани освен во Босна и Херцеговина.
Додека Хрватска, Словенија и Србија и другите земји се вклопуваат во принципот политичарите да добиваат месечен приход најмногу до три просечни лати во земјата, тоа не е случај со земјата која далеку отскокнува во однос на европскиот стандард.
Ако се земе предвид дека просечната плата на почетокот на оваа година во Република Српска е 887 конвертибилни марки, а во федеративниот дел е 924 КМ, политичките службеници не треба да добиваат повеќе од 2.700 конвертибилни марки, што не е случај во БиХ, пренесува Танјуг.
Речиси 20.000 КМ се распределуваат на членовите на претседателството месечно, додека државните парламентарци добиваат меѓу 4.800 и 6.500 КМ. Според ова експертите заклучиле дека "нема сиромашен народ со толку богати политичари".
Оваа бројка е секако поголема ако се додаде паушалот, надомест за одвоен живот, надоместокот за сместување, превоз и храна. Истражувањето спроведено од "ГЕА" покажа дека политиката на БиХ е многу повеќе профитабилна отколку во Европа, и дека парите често влијаат врз мотивите на влегување во политиката. Ова е потврдено и со фактот дека БиХ со повеќе од 150 политички субјекти е на врвот на бројот на воспоставените политички партии во Европа.