Секој може да си купи државјанство на ЕУ: Во некои земји легално тргуваат со пасоши и визи за престој

Добивај вести на Viber

Во Бугарија неодамна е откриена измамничка мрежа која за пари фалсификувала сертификати за бугарско потекло и така преку Бугарија се стекнувало државјанство на ЕУ, а тоа , како пишува српски курир, повикувајќи се на Дојче Веле може и легално да се купи.

Државјанствата на ЕУ или неограничени визи за престој во ЕУ спаѓаат во оние кои на цел свет е најтешко да се добијат и поради тоа големата побарувачка довела до создавање на илегален пазар на кој корумпирани службеници на многу земји на ЕУ заработуваат пари со фалсификувани документи, се наведува во текстот.

„Меѓутоа многу земји на ЕУ сакаат и официјално да дојдат до заработки и затоа под името „Златна виза“ тргуваат со државјанства и визи за престој и така заработуваат милијарди“ стои во текстот.

Последниот случај на недозволени махинации е забележан во Бугарија. Во почетокот на минатата недела, таму се притворени дваесетина службеници кои со години издавале докази за бугарско потекло на граѓани на Македонија, Молдавија, Украина ... и така заработувале илјадници евра.

Оние кои имаат таков доказ, по законот мора да се стекнат со бугарско државјанство. За издавање на сертификат е задолжена канцеларијата за Бугари во странство САБА. Оваа недела беше сменет и шефот Петар Харалампиев, кој се смета за водач на корумпираната мрежа.

Се тоа всушност со години е познато, а тоа што дури сега дојде до апсење веројатно е дел од интерната борба за моќ во владата, се истакнува во текстот. При тоа Бугарија не е единствена земја во која тоа се работи. Според истражувањето на локани медиуми, и во Романија и Унгарија веќе со години се тргува со лажни сертификати за потеклото. Системот кој во ЕУ се вика „златна виза“ не е со ништо помали димензии. 

По тој систем, државјанство на некоја земја од Еу, или трајна виза за престој, може да се добие од оној кој - или доволно ќе плати или ќе инвестира.

Половина земја од ЕУ, меѓу кои Бугарија, Грција, Велика Британија, Кетонија, Литванија, Малта, Австрија, Португалија, Шпанија, Унгарија и Кипар, нудат такви програми.