Семејство извлечено од урнатините во Сирија, луѓето навиваа од среќа: „Ова е вистинско чудо“ (Видео)

Добивај вести на Viber

Спасувачката операција продолжува по разорниот земјотрес што ги погодија Турција и Сирија. Медиумите ја пренесуваа приказната за сириско семејство кое спасувачите го извлекле од под рушевините на нивниот дом. 

Нивното спасување го нарекоа „чудо“, бидејќи целото семејство е спасено од урнатините на нивниот дом по разорниот земјотрес што ја погоди земјата, соопштија спасувачките екипи.

Група сириски волонтери за цивилна одбрана познати како Бели шлемови во вторникот изјавија дека спасиле цело семејство затрупано под урнатините во селото Бисна, во близина на Идлиб во северозападна Сирија.

„Вистинско чудо. Звуците на радост го исполнија небото“, објави групата на Твитер во вторникот попладне.

Белите шлемови објавија и видео на кое се прикажани како користат алатки за отстранување на урнатините и потоа извлекуваат цело семејство, возрасен маж и три деца преку мал отвор.

Entire family was saved after more than 40 hours of rescue operations in northern Syria. pic.twitter.com/bKJs0gdOmB

— Muslim (@Muslim) February 7, 2023

Околу нив се собрала поголема група луѓе потоа почнале да викаат од среќа и радост, додека семејството било однесено во амбулантното возило на брза помош.

Ова е уште една во низата спасувачки операции по двата разорни земјотреси што ги погодија Турција и Сирија во понеделникот.

Според последните податоци, повеќе од 9.600 луѓе загинале, а околу 75 отсто од смртните случаи се во Турција, која дели долга копнена граница со Сирија.

За жал, се стравува дека ова не е конечниот број на жртви.

Белите шлемови дејствуваат во делови на Сирија контролирани од бунтовничките фракции, вклучително и опозициското упориште Идлиб, бидејќи земјата и понатаму е заглавена во граѓанска војна.

Фото: Принтскрин/Твитер