СЕНАТОРОТ МАРФИ: Има огромен напредок на Балканот и ова е приказна што треба да продолжи
Објавено во: Балкан 14 Ноември, 2017
Сенаторот од редовите на демократите, Крис Марфи вели дека на Балканот е постигнат голем напредок, но сѐ уште има предизвици во форма на корупција, поради што Европската унија е одржлив пат кон иднината.
„Има огромен напредок на Балканот и ова е приказна што треба да продолжи, но сé уште има предизвици. Тоа е борбата против корупцијата во регионот, поради која би требало јасно да ставиме до знаење дека Европската унија е и натаму е одржлив пат за иднината, затоа што интеграцијата е една од работите што ги поттикнува реформите кога станува збор за корупцијата“- изјави Марфи.
Русите не сакаат балканските држави да се приклучат на ЕУ, тие не сакаат овие земји да бидат економски зајакнати, смета тој.„Руското влијание во регионот расте. Вложуваат повеќе пари во невладините организации, се обидуваат да купат медиуми за да ја зборуваат својата приказна“- рече тој.
Марфи вели дека САД „конечно Стејт департментот започнаа операции за спротивставувањена пропагандата", но истакна дека сè уште заостануваат, особено на Балканот.