„СЕРИОЗЕН ЗДРАВСТВЕН РИЗИК“: предупредување до жителите на Гостивар, откриени се бактерии во јавниот водовод
Објавено во: Македонија 27 Септември, 2024
Водата од јавниот водовод на Гостивар е контаминирана со бактеријата ешеришја коли, поради што има сериозен здравствен ризик по животот на граѓаните. Жителите се предупредени да не ја конзумираат водата од јавниот водовот, ниту пак да ја користат за готвење.
Како што пренесуваат од Центаро за управување со кризи, повикувајќи се на информација од Општина Гостивар „врз основа на најновите микробиолошки анализи, водата од јавниот водовод моментално не е безбедна за пиење“.
Микробиолошките тестови откриле присуство на калиформни бактерии и ешерихија коли [E.coli], што преставува сериозен здравствен ризик.
- До граѓаните, Општина Гостивар, е пратено следното соопштение за овој период кога се интервенира за нормализирање на водоснабдувањето за:
1. Избегнување употреба на вода од јавната водоводна мрежа во Гостивар;
2. Користење флаширана вода за пиење и за готвење;
3. Да се следат инфомациите за состојбата на водата додека се работи за решавање на проблемот и обезбедување на безбедно водоснабдување - се наведува во соопштението на ЦУК.
Од таму додаваат дека ЈKП Комуналец Гостивар во врска со неисправната вода за пиење во Општина Гостивар интервенира на терен.