Шефицата на хрватската дипломатија Марија Пејчиновиќ Буриќ во Македонија
Објавено во: Македонија 13 Март, 2018
По покана од страна на шефот на македонската дипломатија, Никола Димитров, денес во официјална посета на Република Македонија ќе престојува хрватската Вицепремиерка и министерка за надворешни работи и европски прашања Марија Пејчиновиќ Буриќ.
По средбата со министерот Димитров, се очекува Буриќ да се сретне и со претседателот Ѓорге Иванов, претседателот на Собранието Талат Џафери како и со премиерот Зоран Заев. Од МНР е најавено дека следат разговори во составот на делегациите на двете земји.
На средбата се очекува да бидат разменети мислења за севкупните билатерални односи, како и за можностите за унапредување на соработката во повеќе области, со акцент на економската соработка. Исто така, ќе бидат разгледани можностите и чекорите за натамошен напредок на регионалната соработка во контекст на европската интеграција, наведуваат од МНР.