Шекеринска до Каракачанов: Aко тој сака да биде Македонец нека повели
Објавено во: Македонија 27 Јануари, 2021
Тој што е сигурен во својот идентитет и својот јазик нема потреба толку да се пени и објаснува, изјави денеска министерката за одбрана Радмила Шекеринска, при гостување во Дневникот на „Сител“. Вака таа ги искоментира изјавите на нејзиниот бугарски колега Красимир Каракачанов.
„Јас сум горда и сигурна во себе, мојот идентитет и во својата македонска изворна идентификација и нема што да дискутирам со Каракачанов која сум и што сум, ако тој сака да биде Македонец нека повели. Нашето право е наше право, многу од тие изјави не ни се од полза. Тој што е сигурен во себе, во својот идентитет и својот јазик нема потреба толку да се пени и објаснува. Покажуваме многу поумно и посигурно размислување, отколку другата страна“, рече Шекеринска.
Каракачанов деновиве изјави дека не треба да има омраза и дека сме еден народ според него. Toj нагласи дека позицијата на Бугарија нема да се смени.