Шекеринска: Не сакаме заради домашна политика да загрозиме некој од државните интереси
Објавено во: Македонија 17 Јуни, 2019
Kадровските промени во СДСМ не треба да се гледаат како замена за кадровските промени на државните позиции, изјави заменик претседателката Радмила Шекеринска во вечерашното гостување во емисијата Топ тема
„Ветивме промени и во партијата и на државните позиции, но водевме сметка за државните интереси и периодот во кој се наоѓавме, а беше тесно поврзан со евроинтеграционите процеси. Не сакаме заради домашна политика да загрозиме некој од државните интереси. Најавивме реконструкција и таа ќе се случи. Очекувам дека до петок, предлогот за реконструкција да биде доставен во Собранието“, порача Шекеринска.
Шекеринска истакна дека освен персонални решенија, следуваат и системски промени на делување во интерес на граѓаните.