Шеќеринска: Партиите ќе даваат отчет за државните пари
Објавено во: Финансии 28 Јули, 2018
Вицепремиерката Радмила Шеќеринска вели дека партиите ќе бидат обврзани да даваат отчет како ќе ги трошат 4,5 милиони евра што ќе ги добиваат годишно со изгласаните измени на Изборниот законик и така ќе се намали корупцијата.
Измените во Законот за финансирање на политичките партии со кои, парите што тие ги добиваат од буџетот се зголемува од 1.8 милиони на 4.5 милиони евра е за да се спречи корупцијата со сомнителни донации, вели вицепремиерката Радмила Шекеринска. Измените кои партиите ги усогласија на лидерските средби, освен зголемена државна помош предвидуваат и намалување на донации за 2,5 пати.
Шекеринска уверува дека и партиите и државата ќе подлежат на ревизија при доделувањето и трошењето на парите.
„Се согласувам со вас тие беа аргументите кои ги користевме во дебатата со ВМРО-ДПМНЕ. Од една страна сте најбогатата партија во Европа, од друга страна зборуваме за повеќе пари, но, обврските исто на партиите се менуваат. На поинаков начин ќе мора да реферираат за трошоците. Државата, бидејќи ги дава парите ќе сноси и одговорност за тоа што го дава на некој начин и трето, ќе ставиме крај на тој тип на бизнис контрола врз политичките партии“, рече Радмила Шекеринска – вицепремиерка на Влада на РМ.