Шешељ откри што направил за да се види со Путин
Објавено во: Балкан 21 Јануари, 2019
Претседателот на СРС, Воислав Шешељ откри што направил за да се види со рускиот претседател, Владимир Путин кој беше во посета на Србија.
Тој се запознал и се ракувал, надвор од сите протоколи, со рускиот претседател Путин во четвртокот во храмот Свети Сава. Тоа го покажуваат фотографиите кои се појавија во медиумите.
„Во храмот стигнав 5 часа порано и успеав да се сокријам во магацинскиот простор каде се наоѓаат уредите за вентилација. Седев на дрвена столица и навистина поради големата топлина, дехидрирав, устата ми се исуши, засипнав...Не можев да излезам надвор, бидејќи имаше многу полиција. Дури откако претседателите завршија со протоколот, се појавив изненадно како дух. Сите беа запрепастени“ - рекол Шешељ.
Тој рече дека Путин веднаш го препознал.
„Кога Путин почна срдечно да се смее и ми пружи рака, атмосферата се стабилизира“, рече тој.
Путин му кажал дека знае многу за него и дека бил во Хаг.
За рускиот претседател беше организиран голем дочек во српската престолнина, Белград.