Шилегов ги постави првите тројца директори на јавни претпријатија
Објавено во: Македонија 17 Ноември, 2017
Градоначалникот на град Скопје Петре Шилегов ги постави првите тројца нови директори на јавните претпријатија ЈСП „Скопје“, „Водовод и канализација“ и „Улици и патишта“.
Со негово одлука за градските автобуси на ЈСП „Скопје“ ќе се грижи Кристијан Чушков, на ЈП „Водовод и канализација“ е поставен Душко Весковски кој го заменува Александар Атанасов од ВМРО-ДПМНЕ, а на ЈП „Улици и патишта“ Сенад Смаиловиќ.
Ова е прва промена на директорските места во јавните претпријатија под надлежност на Град Скопје. Во наредниот период се очекуваат промени и во останатите јавни претпријатија и културни институции кои се под надлежност на градот Скопје како единица на локалната самоуправа.
Засега нема најави за промена на директори на училишта иако и тоа е сосема извесно секогаш кога доаѓа до промена на локалната власт.