Шилегов ги замени контејнерите што беа запалени за време на полициски час
Објавено во: Македонија 29 Март, 2020
Петре Шилегов, градоначалникот на Скопје, објави дека во центарот на градот се заменети контејнерите кои вчера беа запалени додека немаше никој на улиците, односно во време по отпочнувањето на забраната за движење која започна во 16.00 часот.
Контејнерите беа запалени на булеварот „Партизански одреди“ кај трговскиот центар Буњаковец спроти филијалата на Стопанска банка.
„Вчера запалените контејнери на Партизанска кај Буњаковец, утрово се заменети со нови. Вандализмот над општото добро, никому не носи добро. Да го чуваме градскиот имот заедно“, напиша Шилегов.