19 Февруари, 2019
0.3111
    ALK 8332.7    0.76%     BESK 9001    0%     BUTE 3000    0%     FERS 75000    0.81%     GRNT 810.71    -0.57%     KMB 5419.1    0.7%     MTUR 5100    0%     OHB 6700    0.74%     POPK 25    25%     RZIN 123    2.5%     RZLV 100.09    -1.87%     RZUS 98    -9.26%     SBT 2338.64    2.49%     STB 1249.23    1.56%     STBP 926    -9.92%     TEL 310.67    0.22%     TTK 1380    0%

Шилегов крпи дупки со двојно помалку материјал од Трајановски

Објавено во: Економија 06 Декември, 2018

„Улици и патишта“ на Град Скопје годинава по изминатите три квартали, односно по девет месеци од 2018-та,  потрошило двојно помалку ладен асфалт, кој служи за крпење на ударните дупки, во однос на истиот период лани.

Годинава се вградени 142 тони ладен асфалт низ улиците и булеварите на главниот гтад, додека лани до 1 октомври потрошени се 296 тони материјал за истата намена. Периодот е споредлив и од поглед на тоа што лани токму во октомври се одржаа локални избори и Петре Шилегов го победи својот претходник Коце Трајановски па според тоа може да се повлечат паралели за работата на ова поле на двајцата раководители на градската управа од 1 јануари до 30 септември во 2017-та и 2018-та.

Годинава се асфалтирани површини од 63,2 илјади мeтри квадратни, наспроти 89,4 илјади истиот период лани, што е намалување за безмалку една третина според извештајот на „Улици и патишта“. За асфалтирање за трети лица се потрошени 793 тони, доста повеќе од 243 тони потрошени во првите три квартали лани. Јавното претпријатие годинава не поставило коцка, додека минатаат година пред локалните избори имало активности на 237 м2.

Резултатите на јавното претпријатие велат дека механизацијата за зимско одржување била ангажирана 6,6 илјади часа во 2018-та, или 1,3 илјади помалку од 2017-та, додека работната рака за истата намена годинава е ангажирана 21,3 илјади часови, наспроти 26,4 илјади лани.

Кај светлосната сигнализација. Трајановски семафоризирал осум крстосници, додека Шилегов две. Трајановски во последната година поставил 71 нов семафорски столб и заменил 22 стари, додека Шилегов поставил 21 нов, а заменил 7 стари. На полето на сообраќајните знаци актуелниот градоначалник е позабележителен со 438 новопоставени и заменети, додека неговиот претходник има само 105. „Подобар“ е во местење ретрорефлектирачки столбчиња, но не и кај катадиоптри за подобра видливост на хоризонталната сигнализација. Во рачното и машинското бележење на хоризонталната сигнализација и двајцата имаат приближно ист ефект.

Во машинско чистење на косини и канали на реката Вардар екипите „одработиле„ 27 илијади метри квадратни во 2018-та што е за повеќе од три пати помалку споредено со истиот период во 2017-та.

„Улици и патишта“ во последните три квартали од мандатот на Трајановски наплатило од Град Скопје вкупно 301 милион денар, додека за време на Шилегов се наплатени 191 милион денари.

Александар Кузмановски

Можеби ќе ве интересира

Стопанската комора прослави 97 коморско организирање - во чии раце отидоа наградите?

Стопанската комора прослави 97 коморско организирање - во чии раце отидоа наградите?

Вицепремиерот Анѓушев за енергетските реформи во земјава - Република Северна Македонија квантен скок

Вицепремиерот Анѓушев за енергетските реформи во земјава - Република Северна Македонија квантен скок

Регулаторна ги соопшти корегираните цени на горивата-има промени

Регулаторна ги соопшти корегираните цени на горивата-има промени

„Кока Кола“ го купи „Бамби“ за стотици милиони

„Кока Кола“ го купи „Бамби“ за стотици милиони

Какви измени предлага Тевдовски за поголема транспарентност на јавниот долг?

Какви измени предлага Тевдовски за поголема транспарентност на јавниот долг?

ЌЕ ИМА ЛИ ПОСКАПУВАЊЕ: Цената на нафтата во драматичен скок

ЌЕ ИМА ЛИ ПОСКАПУВАЊЕ: Цената на нафтата во драматичен скок

Отворен Научно технолошкиот парк, Манчевски верува во подобра младина

Отворен Научно технолошкиот парк, Манчевски верува во подобра младина

Продадена југословенската амбасада во Токио. Колку пари и следуваат на Македонија?

Продадена југословенската амбасада во Токио. Колку пари и следуваат на Македонија?

„Газпром“ ги објави податоците: Кои земји купиле најмногу руски гас лани?

„Газпром“ ги објави податоците: Кои земји купиле најмногу руски гас лани?