Шилегов: Скопје за 4 години драстично го намали загадувањето
Објавено во: Македонија 27 Септември, 2021
Скопје за 4 години драстично го намали загадувањето, вели скопскиот градоначалник Петре Шилегов кој е во трка за уште еден мандат.
Додава дека за само четири години, започнале проекти кои ги решаваат проблемите на скопјани за следните 50.
„Од најзагаден град во светот, Скопје за 4 години драстично го намали загадувањето. Анализите покажуваат дека од година во година дишеме почист воздух, но работа има уште. За кратко време ги исчистивме сите депонии во рамки на ГУП-от и ги претворивме во паркови. Преку силна финансиска поддршка за граѓаните старите печки ги заменивме со клими инвертери. За само четири години во се реновираа сите средни училишта а во секоја училница за учениците има прочистувач за воздух“, вели Шилегов.
Додава дека денес, Скопје секој денар го вложува во здрава иднина на идните генерации.