ПРОМЕНИ ВО ЕВРОПА: Лоши вести за најсилната економија
Објавено во: Економија 15 Јануари, 2019
Економијата на Германија забавува.
Таа имаше раст од 1,5 процент во 2018 година, што е најслаба стапка на раст за пет години и покажува забавување во споредба со една година претходно. Ова се наведува во прелиминарната процена на Федералното биро за статистика.
Германските компании се соочуваат со проблемот на ладење на глобалната економија, трговските спорови предизвикани од политиката на американскиот претседател Доналд Трамп за Америка на прво место и ризикот дека Британија ќе ја напушти Европската Унија без договор во март, пренесува агенцијата „Ројтерс“.
Прелиминарната процена за растот на БДП е во согласност со пазарните очекувања и доаѓа по стапката на раст од 2,2 отсто во 2017 година, информира британската агенција.
„Германската економија забележа раст деветтата година по ред, иако залетот ослабе“, велат од заводот за статистика додавајќи дека минатогодишниот економски раст се должи на домашната побарувачка и државните трошоци.
Лани деветта година по ред германската економија имаше раст.