23 Септември, 2020
0.0843

Шпанскиот премиер побара од Парламентот да ја забрза ратификацијата за прием на Македонија во НАТО

Објавено во: Македонија 23 Јануари, 2020

Шпанската Влада предводена од премиерот Педро Санчез по доставената иницијатива го повика шпанскиот парламент по брза постапка да го ратификува Протоколот за членство на Македонија во НАТО. 

Владата веќе го одобри пристапниот протокол за членство на Македонија во Алијансата и го испрати до пратениците со напомена дека Шпанија е единствената земја-членка на НАТО, која сè уште не го ратификувала овој документ.

„Задолжително е ратификацијата да се спроведе по брза постапка за да не се загрози посветеноста на Шпанија како сојузник во НАТО и да ја прими Северна Македонија во Алијансата“, се вели во соопштението на шпанската Влада.

Постапката со ратификацијата беше прекината поради парламентарните избори и тешките преговори да се формира Влада, односно парламентарно мнозинство во Шпанија, додека останатите земји на членки веќе ја завршија својата работа.

И генералниот секретар на СДСМ, Љупчо Николовски, синоќа на Твитер ја објави веста дека Санчез работи во тој правец, иако засега не е сигурно дали тоа ќе биде постигнато до распуштањето на македонското Собрание пред вонредните избори што е предвидено во текот на февруари.

- Пријателот на Македонија, премиерот на Шпанија, Педро Санчез побарал од Парламентот протоколот да биде ратификуван по итна постапка имајќи предвид дека Шпанија е псоледна од 29-те земји-членки на НАТО што тоа го нема направено, објави Николовски.

Владата во Скопје на 28 декември го утврди текстот на предлог-законот за ратификација на Северноатлантскиот договор потпишан во Вашингтон на 4 април 1949 година и го прати на усвојување во парламентот. По усвојувањето, се предвидува тој да стапи во сила со денот на објавување во „Службен весник“, а да биде депониран во Вашингтон откако Шпанија ќе го ратификува Протоколот за пристапување на земјава во НАТО.



Можеби ќе ве интересира

ИЈЗ: Само за една недела регистрирани се 951 позитивни на ковид, зголемен и бројот на починати

ИЈЗ: Само за една недела регистрирани се 951 позитивни на ковид, зголемен и бројот на починати

Несторовска се враќа во МВР како државна секретарка, ќе се спаси ли од лажните мејлови

Несторовска се враќа во МВР како државна секретарка, ќе се спаси ли од лажните мејлови

Повозрасните наставници во паника: Тешко се снаоѓаме со новите технологии, онлајн предавањата ќе ни бидат проблем

Повозрасните наставници во паника: Тешко се снаоѓаме со новите технологии, онлајн предавањата ќе ни бидат проблем

Нема веќе простување: Град Скопје присилно ќе наплатува данок на имот и фирмарина

Нема веќе простување: Град Скопје присилно ќе наплатува данок на имот и фирмарина

Прво посебен протокол, па на кино и театар во Македонија

Прво посебен протокол, па на кино и театар во Македонија

СДСМ: Со внесувањето на Драги Ковачки во Извршниот комитет, Мицкоски ја милитаризира ВМРО-ДПМНЕ

СДСМ: Со внесувањето на Драги Ковачки во Извршниот комитет, Мицкоски ја милитаризира ВМРО-ДПМНЕ

Заев: „Нашата земја“ е црковен вокабулар

Заев: „Нашата земја“ е црковен вокабулар

Заев: Со Борисов средба до 10 ноември

Заев: Со Борисов средба до 10 ноември

ВМРО-ДПМНЕ денеска ќе протестира и за Јанкулоска, ќе дојде и Јанушев

ВМРО-ДПМНЕ денеска ќе протестира и за Јанкулоска, ќе дојде и Јанушев