ШТЕДЕЊЕ Историски пик: штедни влогови над 5 милијарди евра !

Добивај вести на Viber

На истекот од 2016 година, вкупната депозитна база за прв пат надмина 5 милијарди евра, достигнувајќи  досега највисоко ниво. Според новите објавени податоци, во единаесеттиот месец од 2016 година, пораст има и кај шедењето во денари и кај депозитите во девизи. Така, вкупната денрска депзитна база изнесува 2,9 милијарди евра додека вредноста на штедењето во странска валута 2,1 милијарда евра.

Кон крајот на годината, во банките  бил регистриран пораст на штедењето во девизи од страна на населението.  

“Годишната стапка на раст на вкупните депозити во октомври изнесува 3,8% и е над проектираниот раст од 2,6% за последниот квартал на 2016 година, согласно со октомвриската проекција. Од валутен аспект, во годишниот раст на депозитите во октомври, релативно поголем е придонесот на растот на девизните во однос на растот на денарските депозити“ – велат од Народната банка од каде посочуваат дека сепак  денарските депозити и натаму доминираат во депозитната база на банките.

Според НБМ, вкупните депозити на домаќинствата продолжиле да бележат раст и во текот на октомври во споредба со претходниот месец. Од валутен аспект, зголемувањето на депозитите на домаќинствата примарно е резултат на растот на девизните депозити, при умерено зголемување и на денарските депозити.

Она што е регистрирано како позитивен тренд е растот на депозитите на корпоративниот сектор, односно на фирмите во октомври.

“Растот на вкупните депозити во октомври речиси подеднакво произлегува од депозитите на корпоративниот сектор и на домаќинствата“, неведуваат од Народната банка.

Заклучно со ноември,  грѓаните во банките, како депозити чувале 3,4 милијарди евра, додека депозитите на корпоративниот сектор изнесувале 1,2 милијарди евра.

Во ноемеври, во споредба со јануари 2016 година, вкупната депозитина база е зголемена за 160 милиони евра,

Каматните стапки на денарските и девизните депозити на домаќинствата забележаа незначителни промени.