ШТИПСКАТА КОНФЕКЦИЈА ПОД КЛУЧ: 6-мина работници заразени, има и други со симптоми
Објавено во: Македонија 26 Мај, 2020
Штипската конфекција „Ти
Стајл“ каде до сега се регистрирани шест вработени позитивни на крона вирусот
во наредните седум дена ги затвора погоните. Градоначалникот на Штип, Благој
Бочварски, за Фактор потврди дека тоа е на иницијатива на сопственикот на
фабриката „Ти Стајл“.
-Контактирав со инспекторатите надлежни за актуелната ситуација со корона вирусот, и тие ме информираа дека по направениот инспекциски увид во текстилната фабрика е востановено дека се запазени сите процедури во делот на заштитна на вработените од ковид -19. Имено, сите носеле маски и биле употребувани средства за дезинфекција. Разговарав и со сопственикот на компанијата за итните мерки кои треба дабидат преземени во наредниот период. Истовремено бев информиран дека компанијата ќе биде затворена во наредните 7 дена. Тоа е на нивна инцијатива се додека се тестираат и останатите вработени и додека не се направи посериозна анализа. Според информациите, 6 се потврдени случаи со корона вирусот, а има и вработени со симптоми. Земени се брисеви за корона тестови и ги очекуваме резултатите. Во оваа компанија има повеќе од 100 вработени, вели градоначалникот Бочварски за Фактор.
А.Б.