„ШТО ЌЕ КАЖЕ ДЕНЕС, НЕ ВАЖИ И УТРЕ“: ВМРО со остра критика за канцеларијата на поранешниот претседател Пендаровски
Објавено во: Македонија 23 Септември, 2024
Утринава со реакција се јавија од владејачката ВМРО - ДПМНЕ на одлуката на поранешниот претседател Стево Пендаровски да користи канцеларија.
Од таму посочуваат дека му било потребно само еден ден да се предомисли, и наместо како што претходно кажал, дека не му е потребна канцеларија, ден подоцна побарал.
- На 14 мај 2024 година од Кабинетот на Пендаровски изјавиле дека тој не сакал да користи канцеларија, туку повремено, но бидејќи таа можност не постои во иднина ќе земел. Таа иднина очигледно веќе била на 15 мај, т.е. наредниот ден, кога Пендаровски побарал да му се дозволат средства за канцеларија.
Претседателот по закон го следува канцеларија, но лажната скромност и лицемери на Пендаровски се одраз на неговиот манипулативен однос со граѓаните.
Како што менуваше ставови од позиција на претседател, така менува и сега, што ќе каже денес, не важи и утре - стои во соопштението испратено од Центар за комуникации на ВМРО-ДПМНЕ.