Што ќе прави Стопанска банка со зачуваната добивка од осум милиони евра
Објавено во: Финансии 12 Ноември, 2018
Безмалку осум милиони евра, пари од акумулираната добивка на Стопанска банка ќе бидат префрлени во добивка која во иднина нема да може да се распределува како дивиденда. Ова е предлог одлука за Собранието на акционери на банката закажано за 12 декември годинава.
Во предлог точката стои:
Собранието на акционери на Стопанска банка АД – Скопје ја одобрува
прераспределбата на дел од акумулираната добивка во добивка ограничена за
распределба на акционерите, во вкупен износ 489,808,811 денари или противвредност
од 7,964,370 евра. Наведениот износ не е расположлив во иднина за
исплата на дивиденда на акционерите (ограничена за распределба на акционерите)
и како таков, во согласност со релевантната важечка регулатива на Народната
Банка, има третман на основен капитал на Стопанска
банка АД - Скопје, стои во предлог дневниот ред за закажаното собрание.
Банката го прави ова за да ја осигурува стапката на адекватност на
капиталот или минимум пропишаното ниво од 15,5 проценти и за поддршка на бизнис планот на банката во наредниот период.