28 Март, 2024
0.0304

Што кога ќе заврши државната помош за бизнисите: “Економско закрепнување и раст по ковид“ тема на Skopje Economic Finance Forum 2021

Објавено во: Економија 02 Септември, 2021

Добивај вести на Viber

Неколкуте финасиски пакети и државни шеми за поддршка и задржување на работните места  кои ги чинеа земјите од Европската унија над 540 милијарди евра, треба да завршат во септември во Шпанија, Холандија, Шведска и Ирска. И други држави во Унијата полека ги забавуваат програмите за помош кои сега остануваат само за најтешко погодените сектори односно за туризамот и угостителство. Сите пакети според последните податоци помогнаа да се намалат загубите на приходи за 60 милиони луѓе во екот на кризата предизвикана од пандемијата. Бизнисите и самовработените имаат пристап до милијарди евра заеми со ниски камати, грантови финансирани од државите и даночни олеснувања. Слично беше и во Република Северна Македонија, а Владата успеа да креира шест пакети за помош на економијата со кои вели  дека се спасија над 80.000 работни места. Во меѓувреме, вработените почнаа да се враќаат во канцелариите, продавниците и фабриките. Глобалните производители на автомобили работат на прилагодување на проблемите со синџирот на снабдување. Малите трговци почнаа да се враќаат на старите патеки.  Сега има општа согласност дека финансирањето на закрепнувањето и растот би било побрзо и поиздржливо доколку се мобилизира и приватниот капитал.

„Не можеме да ги користиме јавните пари за да ги надоместиме загубите во приватниот сектор засекогаш. Затоа треба да најдеме стратегија за излез , вели Гунтрам Волф, директор на „Бругел“, економско -истражувачка институција со седиште во Брисел.

Владите бараат да се пренаменат повеќе пари во области на економијата кои ветуваат иден раст.

„Клучно е да се префрлат трошоците кон сектори кои ќе ја надживеат пандемијата. Треба да ја забрзаме трансформацијата во дигитализацијата, енергијата и животната средина, вели Денис Феран, директор на Рексекод, француска економска истражувачка организација.

Но дали тогаш кога ќе се повлече државната поддршка, автоматски тоа ќе значи и ново губење на работни места. Францускиот претседател Емануел Макрон кој управува со една од најголемите економии во Европа во последниот период  ги предводи другите земји во обидот да притиснат за точка на пресврт, момент кога владината поддршка ќе станува се помала, со надеж дека ќе и помалку неопходна.

Oвие теми ќе се отворат на еден од панелите на Првата годишна меѓународна конференција Skopje Economic Finance Forum 2021„Економско закрепнување и раст по ковид“ што ќе се одржува на 6 до 7 септември во Скопје, организирана од стран на Министерството за финансии на која ќе присуствуваат високи претставници на финансиските меѓународни институции , професори, како и најеминентните експерти од областа на финансиите и економијата кај нас. На оваа конференција експертите ќе дебатираат за можни решенија, начини и гледишта за забрзување на економскиот раст и развојот на домашната, но и регионалната економија. Конференцијата ја Skopje Economic Finance Forum 2021.

А во земјава ефектите од пандемијата беа поизразени кај корпоративниот сектор, кој се соочи со пад на приходите и влошена профитабилност, а најпогодени беа компаниите од услужната дејност и микропретпријатијата.

Податоците од Централната банка покажуваат дека долгот на корпоративниот сектор во 2020 незначително се зголемил, но неговата задолженост, мерена преку учеството во БДП пораснала и го надминала десетгодишниот просек што се должи на падот на економската активност.

Дел од експертите сепак се согласуваат дека не би било фер да се стави товарот само на државните расходи, особено ако се земе предвид притисокот на буџетите од пандемијата и упатствата да останат во рамките на параметрите на критериумите од Мастрихт. Допрва ќе треба да се види кои се можностите за поголема вклученост на приватниот сектор.

А.Т.

Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат