Што му нуди Меркел на Макрон?

Добивај вести на Viber

Германската канцеларка, Ангела Меркел на официјален Париз му предлага да го прифати германскиот рецепт за економска обнова, кој е воведен пред 10 години. 

Како што јави дописникот на МИА од Берлин, пораката од Германија доаѓа непосредно пред средба на Меркел со новиот француски претседател,  Емануел Макрон закажана за понеделник. 

На средбата  ќе се разговара за билатералните односи и за иднината на ЕУ.

Меркел смета дека Франција по изборот на Макрон треба да го искористи рецептот со кој Владата на поранешниот германски канцелар, Герхард Шредер во 2003 година направи низа реформи меѓу кои најважни беа преземени во сферата на пазарот на трудот и со тоа создаде предност пред останатите европски економии.

„Се дотогаш Германија и Франција беа на исто ниво на економски перформанси. Во овој случај не се работи дека Германците се подобри, туку дека и Франција може да го стори истото“ - рече Меркел на дебата со претставници на бизнис заедницата во Дизелдорф.

Меркел најави дека со Макрон ќе разговара за засилување на механизмите на еврозоната и за спроведување реформи што ќе дадат брз резултат на пазарот на трудот.