Што наведe македонската страна во нотата испратена до Грците?
Објавено во: Македонија 17 Јануари, 2019
Mакедонското Mинистерство за надворешни работи вчера до грчката дипломатија испрати нота за тоа дека Македонија ги исполни своите обврски од Спогодбата со Преспа. Тоа отвори дилема за значењето на зборот „македонско“.
Се работи за документ на шест страници кои стигнаа кај јужниот сосед пред гласањето на доверба на Владата на Алексис Ципрас во грчкиот Парламент. Во дел од нотата се споменува дека прашањето на националност е решено според договорот од Преспа.
„Во духот на договорот терминот националност на Втората страна дефинирана во член 1 ставови (3) и (б) од Договорот како „Македонци/граѓани на Република Северна Македонија“ се однесува само на државјанството, а не го дефинира или однапред ja определува етничка припадност, етникумот како што e тоа пропишано во член 2 став 2 од Уставниот закон за примена на амандманите 33, 34, 35 и 36 на Уставот на Република Македонија“, стои во испратената нота.
Ова е делот кој и Ципрас во својот говор за доверба на Владата го искористил за да му одговори на претседателот на Нова Демократија, Кирјакос Мицотакис.
„Соседите освен што известуваат, имаат и толкувачка изјава“, рече Ципрас за време на расправата.
Во согласност со Договорот „националноста на Втората страна ќе биде Македонци/граѓани на Република Северна Македонија, како што ќе биде запишано и во патните документи“.
Документот ги има и одлуките за уставните амандмани, онака како што на 12 јануари беа објавени во Службен весник.
Македонската страна ги исполни обврските, сега на ред се Грците. Тие треба да го ратификуваат Договорот од Преспа.