28 Март, 2024
0.0240

Што (не) е Македонија?

Објавено во: Колумни 22 Февруари, 2018

Добивај вести на Viber

Јаизчната подоснова за перцепирање на терминот МАКЕДОНИЈА се манифестира преку употребата на мајчиниот јазик (македонски), почитувањето на истиот, неговата употреба и ИДЕНТИФИКУВАЊЕТО со македонскиот јазик, односно неговото САКАЊЕ.

Суштинската теза за Македонецот, неспорно, е дека ЈАЗИКОТ Е НЕГОВА ЕДИНСТВЕНА ЦЕЛОСНА ТАТКОВИНА (Конески). Тоа е начинот на кој луѓето во Македонија се разбираат и ќе продолжат да се разбираат. И него го користат не само МАКЕДОНЦИ - МАКЕДОНЦИ. Него го користат и ќе продолжат да го користат МАКЕДОНЦИ – АЛБАНЦИ / ТУРЦИ / РОМИ / ВЛАСИ / СРБИ / БОШЊАЦИ / БУГАРИ / ГРЦИ / КОСОВАРИ.

Значи македонскиот јазик покрај јазик на Македонците е и јазик - lingua franca на Македонија.

Поради тоа, а имајќи го во контекст „проблемот“ со Грците и „прашањето за името“ – јазикот е оној за кој нема простор за преговарање. Тој е стекнато право, веќе признаено, и од тоа нема назад. Тоа значи - Македонски јазик ЕРГА ОМНЕС.

Тоа значи дека во ДРЖАВАТА Македонија МОРА да го говорат и разбираат сите кои живеат во Македонија. Без разлика какви се и кои се. Односно, кога ќе се каже дека македонскиот јазик мора да го говорат и разбираат сите кои живеат во Македонија - не треба да се помислува веднаш на етничките НЕМАКЕДОНЦИ. Голем дел од нив (односно етнички албанци/турци/срби/власи) го говорат македонскиот јазик како да им е мајчин! А не им е. А некои МАЌЕДОНЦИ македонскиот јазик го говорат како да не им е! А им е.

И сега доаѓаме до клучот на многу проблеми – идентификување на стравовите.

Стравот кај МАКЕДОНЦИТЕ е дека ќе пропаднат, ќе ги потлачат и ќе ги уништат (ќе ги снема). Тоа е некаква постојана несигурност за губење на себството и постоењето. А тоа е само фиктивен страв, кој нема вистинска основа. На граница со параноја.

Стравот кај АЛБАНЦИТЕ во Македонија пак е ЈАВНО ДА КАЖАТ дека се МАКЕДОНЦИ и Македонија е нивна татковина. Тоа подразбира дека е потребно некогаш да излезат и јавно да кажат дека оној што направил кривично дело, кој повикал на омраза, кој повикал на уништување и убивање, кој масакрирал и горел тела на живи луѓе – ТОЈ Е ВИНОВЕН. Без да се навлегува во правно-технички-детално-разјадувачки и релативизирачки контексти.

Излезете и кажете кој е виновен. Осудете го.

3. НАЦИОНАЛНА (НАЦИЈА) ПОДОСНОВА

Националната подоснова, во нормални услови е подоснова која е клучна, која е едно ниво над етничката подоснова, а која во себе ја содржи етничката (ја восприема, односно ги прифаќа РАЗЛИЧНИТЕ ЕТНИЧКИ подоснови и ги ИНТЕГРИРА) – на таков начин ја креира националната СВЕСТ. И повеќе од јасно е дека таа свест во Македонија колективно се уште не претставува завршен процес. Македонците ја перцепираат националната свест како единствено своја и ничија друга, додека албанците се уште тргнуваат од албанската национална свест примарно пред македонската.

И за тоа МНОЗИНСТВОТО е она кое треба да го направи првиот чекор. Етничките Македонци се оние кои први треба да ја подадат раката на пријателството и довербата. Без да сакаат да ги променат албанците.

А МАЛЦИНСТВОТО (читај: албанците) треба да сфатат дека македонската национална свест е и нивна национална свест. Македонската држава не е држава во која НЕ СЕ ПЛАЌА ДАНОК. Не е држава во која НЕ СЕ ИНТОНИРА МАКЕДОНСКАТА ХИМНА. Не е држава во која не се вее МАКЕДОНСКОТО ЗНАМЕ.

Тоа НЕ Е МАКЕДОНИЈА.

Златко Кујунџиски

(продолжува)


Можеби ќе ве интересира

ЗА (НЕ)ПРИМЕНАТА НА ИЗМЕНИТЕ И ДОПОЛНУВАЊАТА НА ЗАКОНОТ ЗА ОБЛИГАЦИОНИ ОДНОСИ

ЗА (НЕ)ПРИМЕНАТА НА ИЗМЕНИТЕ И ДОПОЛНУВАЊАТА НА ЗАКОНОТ ЗА ОБЛИГАЦИОНИ ОДНОСИ

Кој го организираше терористичкиот акт во Русија?

Кој го организираше терористичкиот акт во Русија?

ИЗМЕНИТЕ НА ЗАКОНОТ ЗА ОБЛИГАЦИОНИТЕ ОДНОСИ И ЗАШТИТАТА НА ДОВЕРИТЕЛИТЕ ИЛИ ДОЛЖНИЦИТЕ ИЛИ СОЦИЈАЛНИТЕ СЛУЧАИ?

ИЗМЕНИТЕ НА ЗАКОНОТ ЗА ОБЛИГАЦИОНИТЕ ОДНОСИ И ЗАШТИТАТА НА ДОВЕРИТЕЛИТЕ ИЛИ ДОЛЖНИЦИТЕ ИЛИ СОЦИЈАЛНИТЕ СЛУЧАИ?