Што прави сопругата на Ѓоковиќ со британската принцеза?
Објавено во: Свет 08 Ноември, 2018
Сопругата на познатиот српски тенисер, Новак Ѓоковиќ, Јелена Ѓоковиќ на својот Инстаграм-профил објави фотографија со британската принцеза Беатрис, ќерка на принцот Ендрју и војвотката Сара Фергусон.
Таа објави селфи од Веб-самитот што се одржува во Лисабон.
Јелена и Беатрис зборуваа на самитот со други две русокоси, Белинда Голдсмит и Синтија Џонсон.
„Одлична трибина и прекрасна можност да зборувам за навистина важна тема – филантропијата, и тоа пред голема публика на Веб-самитот, и со овие моќни, неверојатни жени”, напиша Јелена во описот на селфито.
Беатрис зборуваше на самитот за онлајн злоупотребата што ја доживеа. Во Лисабон таа не дојде како претставник на кралското семејство, туку како претставник на софтверската компанија „Афинити“, во која е вработена. Беатрис и нејзината сестра Евгенија работат во компании кои се поврзани со нивното образование и не добиваат џепарлак од кралицата Елизабета.