24 Јануари, 2021
0.0201

Што продаде „Еленица“ и зема 3,4 милиони евра?

Објавено во: Економија 26 Јули, 2019

Струмичката компанија за градежни материјали „Еленица“ лани ја имаше наjдобрата година во последните четири години, покажуваат официјалните финансиски резултати од работењето за 2018 година, достапни на интернет страницата на Македонската берза за хартии од вредност. Струмичката компанија специјализирана за производство на цигли и ќерамиди лани имала приходи од 5,16 милиони евра и остварила добивка од 2,7 милиони евра  (50 отсто од вкупниот приход). Добивката е од продажба на дел од уделот што Еленица го има во светиниколксата компанија МАМ, лиценцирана за производство на масло од канабис.

Оваа струмичка компанија има двајца акционери. Едниот има 99,9 отсто од акциите и тоа е Трајче Заев, долгогодишен бизнисмен. Другиот акционер во „Еленица“ се вика Жан Ангов и поседува 26 акции.

Од каде се парите?

Минатата година е неспоредливо добра во однос на претходните три години за „Еленица“. Лани приходот од 5,16 милиони евра. Од структурата на приходи се гледа дека од „кор бизнисот“ се само 1,73милиони евра и тоа е за околу 400.000 евра помалку во споредба во 2017 година. Лани „Еленица“ од останати приходи остварила 3,37 милиони евра. Тој приход е од продажба на фирмата која е лиценцирана за производство на масло од канабис во медицински цели. Според официјални податоци достапни во ревизорскиот извештај за „Еленица“ во текот на 2018 година Трајче Заев одлучил да продаде 45 отсто од уделите на „Еленица“ во МАМ и задржал 40 отсто сопственост врз управувачките права во таа фирма. „Еленица“ станала сопственик на тие 85 отсто од уделите во декември 2017 година, а малку повеќе од нив продала за неполна година и тоа за 3,3 милиони евра. За жал не успеавме, од достапните податоци во ревизорскиот извештај, да најдеме прецизен податок за вредноста по која „Еленица“ на 27 декември 2017 година купила 85 отсто од уделите во МАМ.

Според јавно објавени податоци од истражуање на „Призма“ интернет страница на „Бирн Македонија“ фирмата МАМ од Свети Николе во пролетта 2017 година била во сопственост на две физички лица. Поголем ко-сопственик бил Зоран Додевски, кој се јавува и како сопственик на „Сител 3“ ТВ каналот, а долги години работел како извршен продуцент на ТВ „Сител“. Другиот сопственик бил словенечки државјанин Тилен Реихард. Соодносот, според објавеното, било следно: Додевски имал влог од 24.000 евра, а Реихард од 6.000 евра.


Р.Ф.

Можеби ќе ве интересира

АСОМ: Над 8.000 вработени на улица и отворање пат за нелегално обложување ако се усвојат предлог измените на Законот на игрите на среќа

АСОМ: Над 8.000 вработени на улица и отворање пат за нелегално обложување ако се усвојат предлог измените на Законот на игрите на среќа

Нина Ангеловска и прослави 10 годишен јубилеј на својата „Групер“

Нина Ангеловска и прослави 10 годишен јубилеј на својата „Групер“

Собраниската блокада го враќа стариот проблем со можни злоупотреби на екстра-лесното гориво

Собраниската блокада го враќа стариот проблем со можни злоупотреби на екстра-лесното гориво

НАВАЛИ НАРОДЕ НА ПОЕВТИНИ ГОРИВА - од денеска дизелот и бензините надолу за два денари

НАВАЛИ НАРОДЕ НА ПОЕВТИНИ ГОРИВА - од денеска дизелот и бензините надолу за два денари

Децениски трансфер: Кој директор со силен „бекраунд“ влегува во ЗК Пелагонија?

Децениски трансфер: Кој директор со силен „бекраунд“ влегува во ЗК Пелагонија?

АЗЕСКИ: ДАЛИ КОНЕЧНО ПРОФУНКЦИОНИРА ВИСТИНСКИОТ ДИЈАЛОГ ДРЖАВА -ПРИВАТЕН СЕКТОР?

АЗЕСКИ: ДАЛИ КОНЕЧНО ПРОФУНКЦИОНИРА ВИСТИНСКИОТ ДИЈАЛОГ ДРЖАВА -ПРИВАТЕН СЕКТОР?

НАЈЛОША НЕДЕЛА ОД СЕПТЕМВРИ: Паѓа вредноста на биткоинот

НАЈЛОША НЕДЕЛА ОД СЕПТЕМВРИ: Паѓа вредноста на биткоинот

Кои професии се најмалку платени во Македонија?

Кои професии се најмалку платени во Македонија?

Промени во врвот на Цементарница Усје: Претседателот на Одборот на директори поднесе оставка

Промени во врвот на Цементарница Усје: Претседателот на Одборот на директори поднесе оставка