ШТО СЕ СЛУЧУВА: На остров запрени се сите летови, затворени се рестораните, интернет нема
Објавено во: Свет 07 Март, 2019
„Ден на тишината” денеска има на индонезискиот остров Бали, а луѓето се посветуваат на медитација и самоанализа.
Бали денеска е потполно тивок за годинашниот „Ден на тишината“. Запрени се сите летови, интернетот (освен за итните служби), а угостителските објекти се затворени, за луѓето да се посветат на медитација и самоанализа.
Поради празникот, луѓето на островот ќе останат дома следниве 24 часа. Жителите од други религии и туристите се замолени да ја почитуваат традицијата, но и да не ги напуштаат домовите и хотелите.
Забрането е и движењето на автомобили и мотори, освен при итни случаи. Светлата во домовите и улиците ќе бидат изгасени, а туристичките објекти и трговските центри ќе останат затворени.
Вчера, ден преди традиционалниот празник, на островот беше спроведен и годишниот обред за протерување демони и зли духови, проследен со масовна и шарена парада.
Во земјата поголем дел од населението се муслимани, но повеќе од 80 отсто од жителите на Бали се хиндуисти и ја практикуваат тамошната деноминација на таа религија.