Што велат од Комерцијална банка за преземањето на Тиранска банка
Објавено во: Финансии 08 Август, 2018
Транскацијата е предмет на регулаторни одобренија во соодветните јурисдикции, велат од Комерцијална банка по повод преземањето на Тиранската банка заедно со Балфин груп. Од домашната банка велат дека пред финализирање на соодветната трансакција и добивањето на сопственичките права во Тирана банка, потребно е претходно да се добие согласност од соодветните регулаторни тела во двете држави.
„Во овој контекст сопственоста, а со тоа и гласачките права во Тирана банка, ќе бидат остварени по целосното завршување на трансакцијата, стои во известувањето од Комерцијална банка.
Оттаму велат дека тоа е важно за да се избегне погрешна перцепција во јавноста и кај потенцијалните инвеститори.
Инаку веста за преземањето денеска ја објави Балфин груп. Од компанијата соопштија дека тие и Комерцијална банка ја преземаат Тиранската банка. Според информации кои ги навеле Балфин ќе биде со поголемо учество во капиталот, а Комерцијална банка ќе има помал дел.