Што вели Жбогар за шпекулациите за Катица Јанева?
Објавено во: Македонија 22 Јули, 2019
Нема политичка криза, институциите функционираат, да го расчистат целосно случајот „Рекет“, вели евроамбасадорот Самуел Жбогар.
Рече дека случајот „Рекет“ се труди да го гледа од позитивна гледна точка.
Според него, овој случај покажува дека јавното обвинителство се бори против корупцијата, дека поставува судска пракса на борба против корупција на високо ниво.
„Точно е дека специјалната обвинителка Јанева даде оставка, тоа е земено предвид, свесни сме за тоа, но ќе продолжи да функционира до 15 септември, а дотогаш има доволно време политичките лидери да размислат на кој начин ќе продолжи работата на СЈО, една можност е да биде интегрирано во рамките на општото јавно обвинителство, но има време сето тоа да се реши“, изјави Жбогар. :
За Катица Јанева вели дека има доста шпекулации, но тој не сака да навлегува во тоа.
Според него, СЈО беше многу корисно и покрена многу постапки.
Во меѓувреме, заврши вештачењето на телефонот на Јанева. Извештајот веќе е во рацете на обвинителката Вилма Рускоска, но детали засега нема.