Штотуку родено бебе оставено на тревник во Скопје
Објавено во: Македонија 15 Мај, 2019
Штотуку родено бебе вчера е пронајдено во скопската населба Топанско Поле.
Минувач го пронашол бебето во тревата и случајот го пријавил во полиција. Бебето потоа со возило на брза помош е пренесено во клиничкиот центар „Мајка Тереза“.
Од Клиниката за детски болести информираа дека бебето сега е во добра состојба.
За настанот се запознаени социјалните работници и се преземаат мерки за расчистување на случајот.