ШВАЈЦАРИЈА ГО ОГРАНИЧУВА ВЛЕЗОТ НА ПАТНИЦИ ОД НЕКОЛКУ ЗЕМЈИ ОД РЕГИОНОВ: Нема влез без доказ за вакцина

Добивај вести на Viber

Од понеделник, 27. септември, за патниците од Албанија, Ерменија, Азербејџан, Брунеи, Јапонија и Србија ќе има нови ограничувања за влез во Швајцарија.

Промената на правилата за влез за пристигнувања од овие земји следеше по потегот на Државниот секретаријат за миграција (СЕМ) да ги отстрани овие шест земји од листата на безбедни земји и региони и да ги вклучи во листата на области со висок ризик, по зголемувањето во случаи на коронавирус на нивна територија.

Според соопштението на Швајцарскиот федерален совет, во кое беа објавени неколку измени во мерките на земјата, странските државјани кои доаѓаат од земја со висок ризик, која сега ја вклучува Србија, особено ако се туристи, не можат да влезат во Швајцарија без доказ за вакцинација со еден од вакцината призната во таа земја, пишува сајтот schengenvisainfo.com.

Лица со швајцарски пасош или важечка дозвола за престој можат да влезат во Швајцарија во секое време од која било земја. Сите лица што влегуваат во Швајцарија мора да поднесат формулар за апликација. Покрај тоа, сите лица кои не биле вакцинирани или не се заразиле со коронавирус, мора да покажат негативен резултат од тестот.

Швајцарија воведе нови правила, сертификатите се задолжителни во скоро сите затворени простории

На 13. септември, Швајцарија воведе строга епидемиолошка мерка, односно само со ковид сертификат е дозволен влез на луѓето во затворени објекти, како што се ресторани. Исто така, беше објавено дека оние што се вакцинирани во трети земји ќе треба да се тестираат на секои три дена за да можат да влезат во затворени јавни установи во Швајцарија.

Сепак, Советот објави дека сега сите лица вакцинирани со вакцина одобрена од Европската агенција за лекови (ЕМА), вклучително и оние во трети земји, ќе можат да аплицираат за швајцарскиот сертификат за Ковид.

- Тоа значи дека туристите можат да учествуваат и во општествени активности - се нагласува во соопштението.

Оние кои го прележале корона вирусот во последните шест месеци, исто така, ќе имаат право на документот.

Оние кои се вакцинирани со вакцини што не се одобрени од ЕМА, ќе можат да добијат швајцарски сертификат само ако живеат во Швајцарија и ако вакцината со која се вакцинирани е одобрена од Светската здравствена организација (СЗО).