Швајцарската компанија ангажираше тим за спасување на Словенецот, Хрватот и Босанецот
Објавено во: Свет 24 Септември, 2018
Швајцарската компанија Massoel Shipping ангажираше тим za ослободување на 12-те членови на екипажот киднапиран на товарен брод од страна на пирати крај брегот на Нигерија, објави словенечкото Министерство за надворешни работи, потврдувајќи дека словенечки државјанин е меѓу заробените. Покрај Словенец меѓу 12-те членови од персоналот има и еден Хрват и еден Босанец.
"Massoel Shipping ангажираше професионално квалификуван тим овластен за решавање на ова прашање", се вели во краткото соопштение на Министерството за надворешни работи, додавајќи дека сопственикот на бродовите е во контакт со семејствата на киднапираните работници.
Нигериската агенција за поморска администрација и безбедност (NIMASA) во неделата објави дека пиратите киднапирале 12 членови на екипаж на швајцарски товарен брод на брегот на Нигерија.
Исто така денеска хрватското Министерство за надворешни работи доби потврда дека хрватскиот државјанин бил во групата работници на запленетиот брод.
"Министерството за надворешни и европски прашања, преку Амбасадата на Република Хрватска во Берн, е во постојан контакт со кризниот менаџмент на швајцарското Министерство за надворешни работи и превоз", рекоа од таму.
Според извештајот на новинската агенција Ројтерс, седум члена на екипажот на бродот за транспорт на деривати се од Филипините, а по еден од Хрватска, Босна, Словенија, Украина и Романија.
Новинската агенција, исто така, потврди дека бродот бил киднапиран во саботата додека се движел меѓу градовите Лагос и Порт Харкорт.
Словенечкото Министерство за надворешни работи истакна дека не може да обезбеди повеќе информации по барање на роднините на киднаперите и сопственикот на бродови.