Швајцарскиот франк „го лизна“ еврото
Објавено во: Економија 04 Јуни, 2019
Швајцарскиот франк пораснал спрема еврото на највисоко ниво во речиси две години. На оваа валутна промена влијаел американскиот претседател Доналд Трамп кој заземал уште потврд став за трговијата кон другите земји како Кина што ги натерало инвеститорите да се свртат кон вложување во сигурни валути.
Франкот скокнал кон еврото за повеќе од половина процент, на 1,1120 франци, на највисоко ниво од јули 2017 година, за потоа да падне најниско и да го заклучи тргувањето со добивка од 0,2 проценти на дневно ниво.
Еврото благо зајакнало во однос на претходниот ден, на 1,1185 долари, но инвеститорите останале внимателни кон изгледите на идното движење на еврото поради податоци за намалување на фабричката активност во еврозоната четврт месец последователно.
Доларот паднал откако приносите на референтната 10 годишна американска обврзница забележале минимум од 2,121 процент во понеделникот , што е најниско ниво од септември 2017 година.