ШВАЈЦАРСКО ИСТРАЖУВАЊЕ: Визирите се несоодветна заштита од вирусот
Објавено во: Свет 04 Август, 2020
Здравствени
работници во швајцарскиот кантон Граубунден кои ја проучувале заразата со
корона вирусот кај вработени во хотел дошле до алармантен податок дека сите што
се штителе од Ковид-19 со визири се заразиле, а оние пак кои носеле само маска
успешно се заштитиле од инфекцијата. По ваквите сознанија, Владата на
Швајцарија соопшти дека визирите се несоодветна заштита и доколку некој одлучи
да ги носи, тоа треба да биде единствено во комбинација со заштитна маска.
Според шефот на кантоналното одделение за здравство во Граубунден, Рудолф Леутолд, сите заразени од хотелот ги поврзува само тоа што носеле пластични штитници, односно визири за да ја избегнат заразата со корона вирусот, нагласувајќи дека нема ниту една инфекција кај вработените кои носеле заштитни маски на устата.
Сосема иста став има и д-р. Марина Јамнички која вели дека визирите не само што се помалку ефикасни од маските, туку создаваат и лажно чувство на сигурност кај луѓето што ги носат, заради што смета дека тие треба да се носат само во комбинација со маска.
По ова истражување Владата на Швајцарија размислува да ги промени правилата со кои угостителските работници ќе мора да носта само маски, наместо визири.