Шведската шефица на дипломатијата со поддршка за Џафери и бара насилниците да одговараат
Објавено во: Македонија, Свет 01 Мај, 2017
Новоизбраниот претседател на Парламентот во Македонија мора да се почитува, вели шведската министерката за надворешни работи, Маргот Валстром.
„Претседателот беше избран од страна на парламентарното мнозинство и јас со нетрпение очекувам да соработувам со него. Шведска силно ги осудува шокантните акти на насилство кои следеа по неговиот избор во четвртокот. Ова е целосно неприфатливо за една демократија и одговорните лица треба да бидат изведени пред лицето на правдата. Следниот чекор сега е да се формира нова влада што е можно побрзо во Македонија, каде предвремени парламентарни избори се одржаа кон средината на декември. Вратата на ЕУ е отворена за сите земји од Западен Балкан, вклучувајќи ја и Македонија“ - наведува Валстром.
Потребни се итни реформи во земјата и не треба да има пречки за мнозинство во парламентот да формира нова влада, пишува во изјавата на шведската министерка за надворешни работи, Маргот Валстром.