Швеѓаните нудат доживотна плата од 2000 евра да не работите ништо: Ова е работа од соништата
Објавено во: Свет 12 Март, 2019
Ако ви се допаѓа идејата да примате плата, а да не работите ништо, можеби би требало да го погледнете овој оглас за работа во Шведска.
Уметничкиот проект, кој го финансира владата има за цел еден среќен кандидат да го вработи во Гетеборг. Се што треба да го работи вработениот е да се појави на железничка станица во одредено време и да го удри часовникот.
Она што е најневеројатно во целата замисла е позицијата да се гарантира до пензија со плата од 2000 евра, годишно зголемување, годишни одмори и уплати во пензиски фонд. Се додека вработениот не најде друга работа, позицијата му е загарантирана до крајот на животот.
Swedish Experiment Project to Hire Someone to Do Nothing (anything) for the Rest of Their Life:
— ODSP ActionCoalition (@ODSPAction) March 11, 2019
'One applicant will be paid to show up at a trainstation every day & punch a time clock. After that the person is free to do anything they want.' #SignMeUp https://t.co/uw4UH1sEsj
Се почнало пред две години кога е распишан конкурс за уметниците кои, за награда од 670 000 евра морале да го смислат изгледот на железничката станица во Гетеборг. Уметниците Симон Голдин и Јакоб Сенеби добиле идеја парите од наградата да се пренасочат на работно место на човек кој „не работи ништо“.
Основале дури и фондација за да избегнат оданочување на парите од наградата, а потоа се вложиле во акции. Процениле дека вработениот ќе може да го плаќаат „вечно“ т.е. дека за таа позиција ќе имаат пари за следните 120 години.
Сепак, оваа одлука не наишла на воодушевување бидејќи поедини политичари ги обвиниле уметниците дека ги расипуваат парите на даночните обврзници. Други ги обвиниле дека идејата е без врска.
Всушност, уметниците со тоа се сложуваат.
-Целиот концепт некој да се појавува секој ден на работа само за да уклучи и исклучи светло е глупа и непродуктивна, но тоа е суштината на нашата идеја-велат тие.