Сијарто испратил искусен унгарски дипломат да помага во Македонија
Објавено во: Македонија 18 Март, 2019
Питер Сијарто, министерот за надворешни работи на Унгарија, смета дека во јуни мора да се донесе одлуката за датум за преговори на Европската комисија со Македонија и дека негова земја испратила во текот на февруари „свој искусен дипломат да работи за македонското министерство за надворешни работи“.
-Тој е таму да ја помага процедурата на интеграција и што и да и биде потребно на Северна Македонија за да се забрза оваа процедура, ние сме секогаш тука, рече унгарскиот министер за МИА по појадокот со владините претставници Никола Димитров и Бујар Османи.
Тој смета дека кај Франција, Холандија и други западноевропски земји сѐ уште постои отпор кон овој процес.и не „се толку чувствителни бидејќи се оддалечени од регионот“.
Смета дека одлуката за приме нема да се одложи, иако Европската Комисија оваа година подоцна ќе ги објавува извештаите за напредокот на земјите од регионот, односно по изборите за Европскиот Парламент, на крајот на мај.
-Меѓутоа ова не смее да биде причина да не се донесе одлуката за преговори на Советот во јуни, романското претседателство ја има нашата целосна поддршка да го стави прашањето на агенда во јуни на позитивен начин и да донесе одлука за почеток на преговори, тврди Сијарто.