Силјановска: За две недели добив плус 50.000 гласови

Добивај вести на Viber

Никогаш не сум се почувствувала посмирено и попродуховено, се обрати Гордана Силјановска Давкова од изборниот штаб по поразот од Стево Пендаровски на претседателските избори.

- Мојата енергија допре до умот и срцата на моите гласачи и јас сум им благодарна за таа ретка прилика. Денешниот ден личеше на Вивалди и Четирите годишни времиња. Денот воопшто нза мене не заврши како зима, но да добиете речиси 370 илјади гласови е голема благодарност а згора да станете позната по улиците како Гога е нешто ново во политиката. За две недели добив плус 50.000 гласови во разговори по улиците и тоа е голема победа. Не мислам дека јас како кандидат на ВМРО-ДПМНЕ ја загубив битката - рече Силјановска.

После триесет децении влегов повторно во политиката и мислам дека не погрешив, додаде таа. Рекла дека посочувала на добрите европски практики и дека нудела решенија. Според Силјановска, политиката во Македонија се уште не е уметност туку дека е во рацете на партиите и дека тие одлучуваат најмногу за гласовите. Додаде дека е задоволна од учеството и дека добила голема политичка школа.

- Прашање е дали ваквиот резултат во однос на победениот кон победникот не значи поделба и дали синтагмата „Заедно одиме напред“ го ветува тоа. Не се срамам што учествував во оваа кампања. Се обидов да внесам поинаков говор, да го кренам нивото на дебатата, да бидам своја и да не заборавам на етиката. Многумина велат дека по овие избори веќе ништо нема да биде исто - истакна кандидатката поддржана од ВМРО-ДПМНЕ.