Силјановска за „Рекет“: Не верувам дека Јовановски и Катица Јанева се главните
Објавено во: Македонија 04 Декември, 2019
Јас сум кажала дека апсолутно „Рекет“ не може да се врзе само за обвинетиот, Бојан Јовановски, тоа е невозможно, вели во интервју за ТВ Алфа професорката Гордана Силјановска-Давкова, која е дел од тимот на лидерот на опозициската ВМРО-ДПМНЕ, Христијан Мицкоски.
„Тој е само еден од актерите, очигледно се работи за мрежа, не верувам дека тој и Катица Јанева се главните, тоа е невозможно зошто дело се прави со сторување или несторување, таа е опкружена со луѓе кои ја советувале, имале увид во предметите, така да не е можно тоа“, изјави таа.
Вели дека и таа самата на неколку пати зборувала дека е потребен ветинг во судството.
„Луѓе ја носеа на маици, амбасадори се фотографираа со неа за поддршка на правдата, но ете, сега ја видовме специјалната правда која ја донесе специјалната обвинителка. Ветинот е признание за катастрофална состојба“, рече Силјановска Давкова.
Вели дека за да судот стане суд е потребно време, научна, стручна анализа.