Симнат пратеничкиот имунитет на Барбарусис, кој повика Ципрас да биде уапсен поради Преспанскиот договор
Објавено во: Балкан 20 Февруари, 2019
Грчкиот парламент му го симна пратреничкиот имунитет на членот на „Златна Зора“, Константинос Барбарусис, кој минатиот јуни во законодавниот дом повика на државен удар и да се уапси премиерот Алексис Ципрас поради Преспанскиот договор.
157 пратеници одлучија да му се одземе имунитетот прифаќајќи го барањето на обвинителот за да може да му се суди за повик за државен удар како и за незапирање на наредба од страна на полицијата. Барбарусис истиот ден не застана со својот автомобил на повикот на полицијата која доби наредба да го спроведе.
По повод постигнатата спогодба од Преспа тој ги повика вооружените сили да го уапсат Ципрас, претседателот на Републиката, а потоа и министерот за одбрана, Панос Каменос, со што се подигна бура од политички реакции, а имаше и административни иницијативи за казнување на неговата партија „Златна Зора“.
Грчките власти го ослободија од притвор пратеникот на екстремно десничарската партија, но со одземениот имунитет сега се отвора можноста да му се суди.
Тој требаше да плати 30 илјади евра, а забрането му е излегување од Грција. Барбарусис беше уапсен три дена откако во парламентот, за време на дебатата за грчко македонскиот договор за името, повика војската да го уапси грчкото раководство. Барбарусис кој остро се противи на владиното решавање на спорот, подоцна ги повлече забелешките.
Доколку биде осуден тој може да добие казна од над 20 години затвор. Барбарусис е исфрлен и од неговата партија Златна зора.