СИНДИКАТОТ РАЗОЧАРАН ОД ВЛАДАТА - им ја одложиле средбата за минималната плата, бараат да продолжи замрзнувањето на цените

Добивај вести на Viber

На разочарување на работниците, средба која била закажана за денеска, меѓу Владата и Сојузот на синдикатите на Македонија, се одложува за 31 јануари, на барање на Владата, соопштија денеска од Сојузот на синдикатите на Македонија.

„ССМ после презентацијата на Студијата за минималната плата во земјава и нејзините ефекти врз работењето на фирмите изготвена од еминентни професори, во четврток, продолжува со активностите и уште одма во петок ќе го свика Претседателството на ССМ, Советот на ССМ и Регионалните синдикални претставништва и канцеларии со една цел - да се активираат штрајкувачките одбори и да се запазат постапките за штрајк како и утврдување на датум за подготовки за штрајк.

Овие активности се со една цел - решавање на егзистенцијалните проблеми на работниците, зголемување на минималната плата на 18.000 денари и зголемување на останатите плати, како и утврдување на регресот за годишен одмор во јавниот сектор согласно утврденото право на работниците во приватниот сектор, а исто така бараме и продолжување на мерката за замрзнувањето/ограничувањето на цените на основните прехранбени производи и по 31 јануари оваа година“, се вели во соопштението од Синдикатот.