24 Јануари, 2021
0.0188

СИНДИКАТОТ СО ДЕЦИДНО БАРАЊЕ: Во петтиот пакет мерки државната помош за плати да оди директно на сметките на работниците

Објавено во: Економија 12 Јануари, 2021

Сојузот на синдикатите на Македонија бара да се преземат сите напори со петтиот пакет мерки да им се помогне на работниците, претпријатијата и јавните служби да ја преживеат кризата, така што ќе можат нормално да се вратат на своите активности кога истата ќе заврши.

„Сите мерки, треба да бидат насочени кон зачувување на работните места, а во меѓувреме да се заштитат од невработеност и загуба на приходи и да се ублажат финансиските загуби. Луѓето кои се болни, кои се грижат за семејството или не се во состојба да работат заради корона вирусот, не треба да страдаат финансиски, па поради тоа, од страна на Владата, потребно е да се обезбеди финансиска помош за сите“, се вели во соопштението од најголемиот синдикат на земјава. 
Нивните предлози се следниве. 

Прво, Владата да обезбеди финансиска помош и поддршка за компаниите кои нема да можат да ги извршуваат деловните потфати заради вирусот или ќе ги извршуваат со значително намален обем, првенствено и исклучиво за обезбедување на средства за плата на работниците;

„ССМ бара субвенционирањето на плата како мерка да продолжи онаму каде што производството е намалено како што тоа е утврдено и со четвртиот пакет на мерки, но да се исплаќа директно на сметките на работниците што се покажа како повеќе од потребно поради повторната злоупотреба на средствата од финансиската поддршка за исплата на платите на работниците обезбедена од Владата, со оглед на тоа што и по 5ти пат, газди, оставија работници без никаква егзистенција, а за тоа земаа средства од Државата“, децидни се синдикалците. 

Дополнително, нагласуваат, еден од главните услови за добивање на финансиска поддршка да биде враќање на работниците кои биле испуштени од работа, а исто така и задолжително да биде по користењето на мерката работодавачите кои добиле финансиска поддршка за исплата на плати да ги задржат односно да нема отпуштање на работниците најмалку 3 месеци по завршување на мерката.

Второ, ССМ смета дека работниците кои користеа мерки како хронично болните, бремени жени, чување на дете до 10 години, треба да бидат исплатени во висина на нивната плата, без нејзино намалување, а истовремено да се води грижа и за мајките кои користеле породилно отсуство, а им престанал договорот за вработување по било кој основ и истите да имаат право на платено на породилно отсуство.

Трето, ССМ повторно предлага надоместокот на плата за отсуството од работа поради зараза од Ковид- 19, изолација и само изолација поради изложеност на Ковид- 19 да изнесува 100 отсто од основицата утврдена со закон.

„Нагласуваме дека Сојузот на синдикатите на Македонија смета дека во Правилникот за листа на професионалните болести како професионална болест треба да се смета заразата со Ковид- 19, не само за здравствените работници, туку и за работниците од други дејности и вработени во институции на работни места каде е можен контакт и изложеност на Ковид- 19“, а Министерството за труд и социјална политика да предложи предлог Законско решение или предлог решение во Правилникот во најскоро време.

Четврто, насочување кон спроведување на јавни набавки од страна на државните органи, исклучиво од домашните компании кои не отпуштиле неосновано работници и не злоупотребиле од финансиската поддршка за исплата на платите.

ССМ, поаѓајќи од тоа што националните и светските компетентни институции укажуваат дека оваа нова нормалност предизвикана од Ковид – 19 ќе трае подолг период и во иднина, очекува покрај мерките за субвенционирање и помош, Владата да преземе поголем ангажман за обезбедување на нови инвестиции од домашно и странско потекло и да обезбеди економски мерки за поефикасно прилагодување на компаниите за продолжување на економските потфати со цел да се обезбедат реални и одржливи работни места и обезбедување на егзистенција за сите граѓани.

„Исто така, бараме Владата да води грижа, финансиската поддршка и инвестициите да се обезбедуваат за компании кои ги почитуваа Законите и Колективните договори, кои немаат злоупотребено средства од финансиската поддршка од Државата и кои имаат неосновано отпуштено работници, како и да се задолжат компаниите кои ќе добијат од финансиската поддршка и инвестициите задолжително да ги вратат работниците на кои им го прекинале работниот однос“, велат од Синдикатот.

Предлагаат еден од условите за обезбедување на финансиска поддршка и инвестиции од страна на Државата да биде синдикалното организирање во компанијата, за да можат и тие како претставници на работниците да гарантираат и да го контролираат користењето на средствата, покрај другото за плата и социјална сигурност на работниците.

Можеби ќе ве интересира

АСОМ: Над 8.000 вработени на улица и отворање пат за нелегално обложување ако се усвојат предлог измените на Законот на игрите на среќа

АСОМ: Над 8.000 вработени на улица и отворање пат за нелегално обложување ако се усвојат предлог измените на Законот на игрите на среќа

Нина Ангеловска и прослави 10 годишен јубилеј на својата „Групер“

Нина Ангеловска и прослави 10 годишен јубилеј на својата „Групер“

Собраниската блокада го враќа стариот проблем со можни злоупотреби на екстра-лесното гориво

Собраниската блокада го враќа стариот проблем со можни злоупотреби на екстра-лесното гориво

НАВАЛИ НАРОДЕ НА ПОЕВТИНИ ГОРИВА - од денеска дизелот и бензините надолу за два денари

НАВАЛИ НАРОДЕ НА ПОЕВТИНИ ГОРИВА - од денеска дизелот и бензините надолу за два денари

Децениски трансфер: Кој директор со силен „бекраунд“ влегува во ЗК Пелагонија?

Децениски трансфер: Кој директор со силен „бекраунд“ влегува во ЗК Пелагонија?

АЗЕСКИ: ДАЛИ КОНЕЧНО ПРОФУНКЦИОНИРА ВИСТИНСКИОТ ДИЈАЛОГ ДРЖАВА -ПРИВАТЕН СЕКТОР?

АЗЕСКИ: ДАЛИ КОНЕЧНО ПРОФУНКЦИОНИРА ВИСТИНСКИОТ ДИЈАЛОГ ДРЖАВА -ПРИВАТЕН СЕКТОР?

НАЈЛОША НЕДЕЛА ОД СЕПТЕМВРИ: Паѓа вредноста на биткоинот

НАЈЛОША НЕДЕЛА ОД СЕПТЕМВРИ: Паѓа вредноста на биткоинот

Кои професии се најмалку платени во Македонија?

Кои професии се најмалку платени во Македонија?

Промени во врвот на Цементарница Усје: Претседателот на Одборот на директори поднесе оставка

Промени во врвот на Цементарница Усје: Претседателот на Одборот на директори поднесе оставка