СИНОТ НА МУСА ЏАФЕРИ ГО ПРИЗНАЛ НАПАДОТ ВРЗ БИСЛИМОВСКИ - од МВР ќе добие кривична пријава
Објавено во: Македонија 06 Октомври, 2021
Аријант Џафери, синот на Муса Џафери кој вчеравечер во центарот на Скопје го нападна претседателот на РКЕ, Марко Бислимовски, ќе заработи кривична пријавба.
МВР јави дека го расчистиле случајот.
Аријант Џафери во целост го признал делото.
„Во врска со случајот кој синоќа, околу полноќ, во СВР Скопје го пријави М.Б. (45) од Скопје дека на тераса од угостителски објект на подрачјето на Центар бил физички нападнат од А.Џ.(28) од Скопје, ја известуваме јавноста дека случајот е целосно расчистен и против А.Џ. ќе биде изготвена кривична пријава за кривично дело насилство по член 386 од КЗ. Веднаш по пријавувањето на настанот, преземени се содветни мерки за расчистување, односно изготвено е писмено известување до ОЈО Скопје, извршени се разговори со сведоци на настанот, обезбедена е видео снимка, извршен е разговор со пријавениот А.Џ., кој во целост го призна делото, и по консултација со јавен обвинител ќе биде изготвена кривична пријава за кривично дело насилство по член 386 од КЗ“, се вели во соопштението од Полицијата.
Овој настан е напад врз институциите на државата, сметаат познавачите.