Синот на Тито незаконски ја користел неговата вила
Објавено во: Балкан 11 Октомври, 2017
Најмладиот син на Јосип Броз Тито се соочува со акзна од 133.000 евра во Хрватска затоа што незаконски ја користел вилата од 35.000 квадратни метри во Стамбор која има овоштарници, лозје и куќи.
Александар Мишо Броз немал правна основа за користење на тој имот, бидејќи истиот од април 1998 година е во државна сопственост.
Тој тврди дека во последните дваесетина години никој не побарал од него имотот да го врати на државата, сепак, хрватските медиуми наведуваат дека уште во 2000 година Државното обвинителство го повикало да го врати имотот во рок од 30 дена.
Во мај 2001 година, Владата на Ивица Рачан токму таа недвижност ја даде на управување на претседателот, а таква беше состојбата до минатата година, кога од кабинетот на хрватската претседателка имотот беше вратен на Канцеларијата за управување со државен имот, која прерасна во Министерство.
– Министерството за државен имот упати повик до Државното обвинителство да покрене постапка за враќање во посед на недвижноста, која бесправно ја користи господинот Броз, но и заради наплата на противправно стекнатата корист, изјави за ХРТ хрватскиот министер за државен имот Горан Мариќ.