28 Март, 2024
0.0246

Сирија е бомбардирана, што е следно?

Објавено во: Свет 16 Април, 2018

Добивај вести на Viber

Американските воени напади во Сирија отворија многу прашања. Прво, и она најважно, е прашањето каква е точно сега американската политика кога е во прашање Сирија.

Американскиот претседател Доналд Трамп пред две недели во говор во Охајо рече дека САД наскоро ќе ги повлечат своите војници од Сирија. Меѓутоа, сега нареди бомбардирање.

Која е тогаш политиката на Администрацијата на Трамп? Дали сирискиот лидер Башар ал-Асад мора да си замине, што беше и политика на САД во првите години од сириската војна и за време на Администрацијата на Барак Обама? Дали едноставно постои само црвена линија кога е во прашање употребата на хемиско оружје од страна на Асад и ништо повеќе?

Одговорите на сите овие прашања се нејасни. Кога Трамп објави дека се извршени напади во Сирија, наведе дека причина е употребата на хемиско оружје, но американската амбсадорка во ОН, Ники Хејли предходно изјави дека нема да биде можно политичко решение за Сирија се додека е Асад на власт.

Од друга страна, се поставува прашањето дали Администрацијата на Трамп има намера  да ги заштити цивилите во Сирија од војната која во изминатите седум години уништи поголем дел од земјата. 

Речиси половина милион Сиријци ги загубија животите во војната, од кои само мал број загинаа при напади со хемиско оружје.

Трамп во текот на предизборната кампања говореше за создавање на „безбедносни зони“ за цивилите. Дали следната етапа на политиката на Трамп ќе биде создавањето на такви зони? Како би функционирале тие? 

Таквите зони би подразбирале и воведување на забрана за летови, но нејзиното спроведување е сложен процес поради фактот што Сирија ја надлетуваат голем број руски авиони.

Можно е Трамп и да го промени својот став и кон сириските бегалци. Имајќи ги предвид нападите со хемиско оружје, можно е Трамп да ја промени својата политика во врска со прашањето за влез на бегалци во САД.

Во моментот во сила е забрана за влез на сириски бегалци во САД и покрај фактот што најголемиот дел од нив се жени и деца.

Се поставува и прашањето дали нападите од саботата претставуваат пресвртница и во односите помеѓу Трамп и Русија?

Трамп беше во голема мерка остар при објавувањето на нападите и директно ја запраша: „Каква е таа нација која би сакала да биде поврзана со масовен убиец на мажи, жени и деца?“.

Исто така, се поставува и прашањето за легалноста на извршените напади. Нападите не ги одобри Конгресот, што не е за чудење, имајќи предвид дека Трамп се труди влијанието на Конгресот да го сведе на минимум во вакви случаи.

МИА

Можеби ќе ве интересира

Уште двајца починати и 100 хоспитализирани во Јапонија од диететски додаток

Уште двајца починати и 100 хоспитализирани во Јапонија од диететски додаток

ПРЕЖИВЕАЛ ТРИ ОБИДИ ЗА АТЕНТАТ: Израелските сили потврдија дека елиминирале висок командант на Хамас

ПРЕЖИВЕАЛ ТРИ ОБИДИ ЗА АТЕНТАТ: Израелските сили потврдија дека елиминирале висок командант на Хамас

ДОМАЌИНСТВАТА ФРЛААТ НАЈМНОГУ: Светот фрла 19 отсто од храната, а 783 милиони луѓе гладуваат

ДОМАЌИНСТВАТА ФРЛААТ НАЈМНОГУ: Светот фрла 19 отсто од храната, а 783 милиони луѓе гладуваат

СОРАБОТУВАЛЕ СО РУСИЈА: Украина уапси агенти

СОРАБОТУВАЛЕ СО РУСИЈА: Украина уапси агенти

ЗАГИНАА 140 ЛУЃЕ, ПОВРЕДЕНИ СЕ 360: Колку луѓе се водат како исчезнати по нападот во Москва?

ЗАГИНАА 140 ЛУЃЕ, ПОВРЕДЕНИ СЕ 360: Колку луѓе се водат како исчезнати по нападот во Москва?

МАСАКР ВО МОСКВА: Терористите добиле инструкции кога патувале за Турција?

МАСАКР ВО МОСКВА: Терористите добиле инструкции кога патувале за Турција?

ПОДДРШКА ЗА УКРАИНА: Десетици нобеловци го повикаа светот да ја засили борбата против Путин

ПОДДРШКА ЗА УКРАИНА: Десетици нобеловци го повикаа светот да ја засили борбата против Путин

ШТО СЕ СПРЕМА: Киргистан ги повика своите граѓани да не патуваат во Русија

ШТО СЕ СПРЕМА: Киргистан ги повика своите граѓани да не патуваат во Русија

ТЕШКА СООБРАЌАЈНА НЕСРЕЌА ВО ГЕРМАНИЈА - автобус се преврте, пет лица загина

ТЕШКА СООБРАЌАЈНА НЕСРЕЌА ВО ГЕРМАНИЈА - автобус се преврте, пет лица загина